2 Zimmer, 17 m², 1. Stock

Hey du
Mer Käru (M23) und Janis (M22) send uf de suechi nocheme neue Mitbewohner, well üse 3. Mitbewohner im Sommer uszieht.
Mer hend üsi WG vor eim Johr gründet, sie esch direkt bim Pilatusplatz und somit inere Top Lag. Üs esch wechtig, dass mer kei "Zwecks-WG" sind. Mer choche regelmässig zäme, luege zäme Fuessball oder game es Mario-Kart oder es Fifa. Gern haltemer au en Rundi deeptalk miteme Gläsli Wii.

Wer sueche mer:
Wie gseit, mer send kei Zwecks-WG. Mer sueche öbber sympathischs wo am obe gern au mol met eus chillt. Fürne Jungs-WG semmer erstunlich ordentlich, also söttsch au das chli im Griff ha. Osserdem söttsch du plus minus i eusem alter sii. :)

Wer send mer:
Käru: I chume us em Ämmital u schaffe als Flugzügmechaniker ir Zentralschwiz. Bruefsbegleitend studieri Aviatik und schliesse im 2026 ab. I bi gärn i de Bärge unterwägs, am Chlättere, Hochtoure, Skitoure oder Bike.
Janis: Ech chome ursprünglich useme Luzerner Hinterland, schaffe in Sursee i de IT und studiere nebebii a de HSLU künstlichi Intelligenz. Ech mache gern Sport und gone sehr gern go reise.
Mer send beidi sehr offeni und humorvolli persone, wo gern chli öbbis wönd erlebe :) Am Wocheend semmer oft ned i de WG, sondern gönd hei zu üsne Eltere oder Kollege.

Hemmer dis Intressi gweckt?
Bei Interesse kontaktieren Sie mich gerne via Kontaktformular.